Нұр-Сұлтанның бірқатар мектептеріне Дінмұхамед Қонаев, Өзбекәлі Жәнібеков, Роза Бағланова тағы басқа да белгілі тұлғалардың аты берілді. Бұл туралы Қаулы күшіне енді.

Атап айтқанда, Қазақстан Үкіметі Нұр-Сұлтан қаласының келесі білім беру ұйымдарына:

1) Нұр-Сұлтан қаласы әкімдігінің "№11 мектеп-лицейі" коммуналдық мемлекеттік мекемесіне Өзбекәлі Жәнібековтың есімі;

2) Нұр-Сұлтан қаласы әкімдігінің "№49 орта мектебі" коммуналдық мемлекеттік мекемесіне Қошке Кемеңгерұлының аты;

3) Нұр-Сұлтан  қаласы әкімдігінің "№69 мектеп-гимназиясы" коммуналдық мемлекеттік мекемесіне Кемел Ақышев есімі;

4) Нұр-Сұлтан қаласы әкімдігінің "№2 Балалар музыка мектебі" мемлекеттік коммуналдық қазыналық кәсіпорнына Роза Бағланованың есімі;

5) Нұр-Сұлтан қаласы әкімдігінің "№3 Балалар музыка мектебі" мемлекеттік коммуналдық қазыналық кәсіпорнына Ермек Серкебаевтың есімі;

6) Нұр-Сұлтан қаласы әкімдігінің "№66 мектеп-лицейі" шаруашылық жүргізу құқығындағы мемлекеттік коммуналдық кәсіпорнына Дінмұхамед Қонаевтың есімі;

7) Нұр-Сұлтан қаласы әкімдігінің "№77 мектеп-гимназия" шаруашылық жүргізу құқығындағы мемлекеттік коммуналдық кәсіпорнына Фариза Оңғарсынованың есімі;

8) Нұр-Сұлтан қаласы әкімдігінің "№83 мектеп-гимназиясы" шаруашылық жүргізу құқығындағы мемлекеттік коммуналдық кәсіпорнына Ыбырай Алтынсариннің есімі берілсін,- делінген Қаулыда.

Abai.kz