Орта салмақта өнер көрсететін қазақстандық Жәнібек Әлімханұлы (11-0, 7 КО) ұлыбританиялық Дэнни Дигнумға қарсы кездесу туралы пікірін айтты, деп хабарлайды Prosports.kz тілшісі.

«Деметриус Андраде мен Хайме Мунгуя менімен жекпе-жек өткізуден қашқақтады, сондықтан Дэнни Дигнумға жекпе-жекке келіскені үшін алғыс айтамын. 21 мамырда бүкіл әлемге нағыз Qazaq Style не екенін көрсетіп, орта салмақтағы WBO тұжырымы бойынша уақытша чемпион ретінде рингтен кетемін. Дивизионның үздік боксшылары менен қашып жүр, олар өмір бойы қаша алмайды. Resorts World Las Vegas-те қызық шоу көрсетуді асыға күтеміз», - деді 29 жастағы боксшы.

Әлімханұлы – Дигнум жекпе-жегі 21 мамырда (Қазақстан уақытымен 22 мамырда) Лас-Вегаста (Невада, АҚШ) өтеді.

Abai.kz