Литва Ресейден газ да, мұнай да, электр энергиясын да алмайды. Бұл туралы Литваның энергетика министрі Дайнюс Кревис мәлімдеді.

"Бұл Литваның энергетикалық тәуелсіздікке жету жолындағы  өте маңызды қадам ғана емес. Бұл жерінде соғыс болып жатқан Украинаға деген қолдауымыздың көрінісі, Ресейдің әскери машинасын біздің ақшамызға қаржыландыруға мүмкіндік бере алмаймыз", - деді Литва министрі.

22 мамырдан бастап елге Ресейдің газ, мұнай, электр энергиясын кіргізу тоқтатылды. Ендігі кезекте Литваның электр энергиясына мұқтаждығын жергілікті электр станциялары өтейтін болады. Сондай-ақ Еуропалық Одақ елдерінен импортталады.

Abai.kz