Орталық референдум комиссиясы жалпыхалықтық референдумның қорытындысын жариялады. Конституцияға өзгертулер мен толықтырулар енгізу жөніндегі республикалық референдумды дауыс берушілердің 77 пайызы қолдаған. 

«Референдумға қатысу құқығы бар Қазақстан Республикасы азаматтарының жалпы саны 11 734 642 адамды құрады. Дауыс беруге қатысқан азаматтардың саны 7 985 769 немесе референдумға қатысушы азаматтар санының 68,05 пайызын құрады», — деді комиссия төрағасы Нұрлан Әбдіров.

Ол референдум өтті деп есептеуге болатынын айтты.

Конституцияға өзгерістер мен толықтырулар енгізуді қолдағандар 77,18%, қарсы болғандар 18,66% - ды құрады. 2,58% бюллетен жарамсыз деп есептелді, ал, 1,58% бюллентен дауыстарды санау кезінде ескерілмеген.

Республика өңірлері арасында Алматы қаласында  32,99% адам дауыс беруге қатысса, Түркістан облысында 80,31% адам референдумға қатысқан.

Abai.kz