Ертең сағат 11:00-де Нұр-Сұлтан қаласында "Men mediakz" кросс-платформасында "Шығыс Қазақстанда алтын қалай ұрланды және бұған Қайрат Сатыбалдының қатысы бар ма?" деген тақырыпта баспасөз мәслихаты өтеді, деп хабарлайды dalainside телеграм каналы. 

Іс-шараның спикері — заңгер Бейбітжан Сайлауұлы. Сондай-ақ басқосуға  ҚР ҰҚК тергеу изоляторында азапталған айыпталушылардың туыстары Алтынай Өмірбаева, Әсем Азаматова, Аниса Кәкімова, Құралай Өмірбаева, Шолпан Жақыпова, Айнұр Әшімовалар қатысатыны жазылған.

"Брифингке қызығушылық жоғары болатын сияқты. Қайрат Сатыбалды, Болат Назарбаев, Нұрбол Назарбаев, Құндыз Назарбаева, Әнипа Назарбаевалардың көптеген былықтары енді ашыла бастады", - деп жазды канал.

Abai.kz