Ақтау қаласында Ресей консулдығы ашылады
Ақтау қаласында Ресей консулдығы ашылады. Бұл туралы Ресей дипломаты Иван Волынкин мәлімдеді.
"Ресейлік туристер ағыны жоғары аймақтарда бас консулдықтар ашу арқылы консулдық қызметімізді кеңейту мәселелері пысықталып жатыр. Сонымен қатар, Ақтау (Қазақстан), Гродно (Белоруссия), Канкун (Мексика) және Самарқанд (Өзбекстан) қалаларында Ресей консулдық мекемелерін ашу жоспарлануда", - деп түсіндірді Волынкин.
Оның айтуынша, Азия, Африка, Латын Америкасы бағыттарындағы Ресей елшілігі штаттарын түбегейлі ұлғайту бойынша жұмыс жүргізілуде.
Abai.kz
