Тамыз айында еліміздегі екі облыстың кейбір аймақтарында құрғақшылық болады, деп хабарлады Қазгидромет.

Болжам бойынша Қызылорда облысының Қармақшы ауданында, Маңғыстау облысының Қарақия және Маңғыстау аудандарында құрғақшылық болады.

Сондай-ақ, Ақтөбе облысының Әйтеке би және Мұғалжар аудандарында, Қарағанды облысының Нұра ауданында, Қостанай облысының Амангелді және Жангелді аудандарында жауын-шашын тапшылығы күтілуде.

Ал, тамыздағы ылғалды аймақтар: Ақтөбе облысының солтүстік және батыс бөлігі, Атырау облысының Қызылқоға ауданы, Батыс Қазақстан облысының Сырым, Қазталов және Ақжайық аудандары, Алматы облысының Панфилов және Кербұлақ аудандары деп болжануда.

Abai.kz