2024 жылдан бастап «Сән-салтанат салығы» енгізіледі. Бұл туралы Қаржы министрі Ерұлан Жамаубаев айтты.

«Нұсқаулық әзірленіп жатыр. Оны 2023 жылдың қыркүйегіне дейін пысықтап, содан кейін Мәжіліске ұсынамыз. Заң 2023 жылы қабылданып, 2024 жылдың басынан бастап күшіне енеді", – деді министр.

Еске салайық, президент Қасым-Жомарт Тоқаев 1 қыркүйектегі халыққа Жолдауында "сән-салтанат салығын"енгізуді тапсырған болатын. Сондай-ақ мемлекет басшысы салықтың орта тапқа қатысы жоқ екенін, тек аса қымбат жылжымайтын мүлік пен автокөлік салып алған кезде алынатынын атап өтті.

«Сән-салтанат» салығы қымбат тұратын мүлікке салынады. Оның ішінде жылжымайтын мүлік, көлік және тағы басқа нысандар бар.

Abai.kz