ҚР Экология, геология және табиғи ресурстар министрі Серікқали Брекешев Каспий теңізінде итбалықтың қырылуына қатысты түсінік берді.

Оның айтуынша қырылған итбалықтың саны – 141. Ол зерттеу жұмыстарының бір ай ішінде жарияланатынын айтты. Министр итбалықтардың қырылуына күкіртті сутегінің бөлінуі әсер еткен болуы мүмкін.

«Мамандар күкіртті сутегінің бөлінуі итбалықтарға әсер етуі мүмкін дегенді айтып отыр. Тыныс алу үшін итбалықтар су бетіне шығады. Осы орайда бұл итбалықтардың өліміне әсер еткен қандай да бір газдың бөлінуі болуы ықтимал. Біздегі мәлімет бойынша Каспий теңізінде 300 мыңнан астам итбалық бар. Біз тиісті қорықты құру, сондай-ақ Каспий теңізі және биоалуантүрлілік мәселелері жөніндегі мемлекеттік институтты ұйымдастыру жұмыстарын жүргізіп жатырмыз», - деді министр.

Бұдан бұрын Каспий жағалауынан 100-ден астам итбалықтың өлексесі табылғаны жарияланған болатын.

Abai.kz