2023 жылдың 30 мамыры күні «Психологиялық қызмет» секторының ұйымдастыруымен «ҚР ЖОО психологиялық қызметін дамыту» атты республикалық форум өтті. Форумды университетіміздің Басқарма Төрағасы-ректор Дархан Нұрланұлы алғы сөзбен ашып берді. Жоғары және жоғары оқу орнынан кейінгі білім комитетінің төрағасының орынбасары – Ақерке Абылайхан онлайн-зум арқылы қатысып, психологиялық қызметтің ЖОО жұмысындағы маңызын анықтап берді.

Форумның басты мақсаты – еліміздегі жоғары оқу орындарындағы психологтарға студенттер арасында психологиялық жайлы орта қалыптастыруына ықпалдасу, психологиялық сектордың қызметін интеграциялау және мамандар арасында өзара тәжірибе алмасу. Форумға республикамыздың түкпір-түкпірінен 58 жоғары оқу орнынан 80-нен астам психологтар, профессор-оқытушылар және проректорлар қатысты.

Іс-шараның бірінші бөлімінде «Психологиялық қызметтерді дамыту және интеграциялау перспективалары» тақырыбанда PhD, қауымдастырылған профессор, психология ғылымдарының доценті – Маншүк Асқарқызының оқыту-тренингі өтті. Маншүк Асқарқызы өз тәжірибесімен және де психологтарға қажетті, студент жастарды зерттеуге арналған әдістерімен бөлісті. Тренинг соңында университетіміздің әлеуметтік даму жөніндегі проректоры Шыңғыс Нұрланұлыны барлық қатысушыларға сертификат табыстады.

Іс-шараның екінші бөлімінде «Психологиялық қызмет» секторының психологы Саида Досқарақызы университеттік «Психологиялық қызмет» секторының жұмысын таныстырды. Ал, психолог Алия Тулегеновна «Студенттердің психологиялық портреті» тақырыбында жүргізілген зерттеу жұмысымен бөлісті.

Сондай-ақ, осы форумда психологтардың арнайы студенттер үшін басшылықтың қолдауымен, өздері құрастырған «Шабыттан» атты психологиялық дәптерінің тұсауы кесілді.

Форум барысында ашық микрофон аясында қатысушылар бір-бірімен пікір алмасып, ортақ мәселелерді талқылап, профессор, психологтар өз ұсыныстарын айтты.

Іс-шараның соңында, әр өңірден келген қатысушыларды Алматы қаласының мәдени-тарихи орындарына саяхат болды.

«Психологиялық қызмет» секторы

Abai.kz