2023 جىلدىڭ 30 مامىرى كۇنى «پسيحولوگيالىق قىزمەت» سەكتورىنىڭ ۇيىمداستىرۋىمەن «قر جوو پسيحولوگيالىق قىزمەتىن دامىتۋ» اتتى رەسپۋبليكالىق فورۋم ءوتتى. فورۋمدى ۋنيۆەرسيتەتىمىزدىڭ باسقارما توراعاسى-رەكتور دارحان نۇرلانۇلى العى سوزبەن اشىپ بەردى. جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ توراعاسىنىڭ ورىنباسارى – اقەركە ابىلايحان ونلاين-زۋم ارقىلى قاتىسىپ، پسيحولوگيالىق قىزمەتتىڭ جوو جۇمىسىنداعى ماڭىزىن انىقتاپ بەردى.

فورۋمنىڭ باستى ماقساتى – ەلىمىزدەگى جوعارى وقۋ ورىندارىنداعى پسيحولوگتارعا ستۋدەنتتەر اراسىندا پسيحولوگيالىق جايلى ورتا قالىپتاستىرۋىنا ىقپالداسۋ، پسيحولوگيالىق سەكتوردىڭ قىزمەتىن ينتەگراتسيالاۋ جانە ماماندار اراسىندا ءوزارا تاجىريبە الماسۋ. فورۋمعا رەسپۋبليكامىزدىڭ تۇكپىر-تۇكپىرىنەن 58 جوعارى وقۋ ورنىنان 80-نەن استام پسيحولوگتار، پروفەسسور-وقىتۋشىلار جانە پرورەكتورلار قاتىستى.

ءىس-شارانىڭ ءبىرىنشى بولىمىندە «پسيحولوگيالىق قىزمەتتەردى دامىتۋ جانە ينتەگراتسيالاۋ پەرسپەكتيۆالارى» تاقىرىباندا PhD, قاۋىمداستىرىلعان پروفەسسور، پسيحولوگيا عىلىمدارىنىڭ دوتسەنتى – مانشۇك اسقارقىزىنىڭ وقىتۋ-ترەنينگى ءوتتى. مانشۇك اسقارقىزى ءوز تاجىريبەسىمەن جانە دە پسيحولوگتارعا قاجەتتى، ستۋدەنت جاستاردى زەرتتەۋگە ارنالعان ادىستەرىمەن ءبولىستى. ترەنينگ سوڭىندا ۋنيۆەرسيتەتىمىزدىڭ الەۋمەتتىك دامۋ جونىندەگى پرورەكتورى شىڭعىس نۇرلانۇلىنى بارلىق قاتىسۋشىلارعا سەرتيفيكات تابىستادى.

ءىس-شارانىڭ ەكىنشى بولىمىندە «پسيحولوگيالىق قىزمەت» سەكتورىنىڭ پسيحولوگى سايدا دوسقاراقىزى ۋنيۆەرسيتەتتىك «پسيحولوگيالىق قىزمەت» سەكتورىنىڭ جۇمىسىن تانىستىردى. ال، پسيحولوگ اليا تۋلەگەنوۆنا «ستۋدەنتتەردىڭ پسيحولوگيالىق پورترەتى» تاقىرىبىندا جۇرگىزىلگەن زەرتتەۋ جۇمىسىمەن ءبولىستى.

سونداي-اق، وسى فورۋمدا پسيحولوگتاردىڭ ارنايى ستۋدەنتتەر ءۇشىن باسشىلىقتىڭ قولداۋىمەن، وزدەرى قۇراستىرعان «شابىتتان» اتتى پسيحولوگيالىق داپتەرىنىڭ تۇساۋى كەسىلدى.

فورۋم بارىسىندا اشىق ميكروفون اياسىندا قاتىسۋشىلار ءبىر-بىرىمەن پىكىر الماسىپ، ورتاق ماسەلەلەردى تالقىلاپ، پروفەسسور، پسيحولوگتار ءوز ۇسىنىستارىن ايتتى.

ءىس-شارانىڭ سوڭىندا، ءار وڭىردەن كەلگەن قاتىسۋشىلاردى الماتى قالاسىنىڭ مادەني-تاريحي ورىندارىنا ساياحات بولدى.

«پسيحولوگيالىق قىزمەت» سەكتورى

Abai.kz