Егер бұл ұсыныс жүзеге асатын болса, Қазақстан аумағында "Вагнер" жеке компаниясының атрибуттарына, "Ресей армиясы", "Сыпайы адамдар" ("Вежливые люди") деген жазуларға, сонымен бірге Ресейдің Украинаға қарсы соғысын қолдауда пайдаланылған Z және V белгілеріне тыйым салынады.
Бас прокуратура өкілі Қуат Бапинов "2022 жылы орыс-украин жанжалы басталғаннан бері Қазақстанда киімдерге, ойыншықтарға және көліктерге Z, V белгілерін жапсыру, "Ресей армиясы", "Сыпайы адамдар" деген жазулар көбейді", - деді.
Осыған дейін Қазақстанда көліктерге Z белгісін жапсырып келген ресейліктерге жазуды мәжбүрмен өшірткен оқиғалар тіркелген. Елде бұл белгілерге ресми тыйым салынған емес, бірақ қоғам тарапынан наразылық бар.
Abai.kz
