ەگەر بۇل ۇسىنىس جۇزەگە اساتىن بولسا، قازاقستان اۋماعىندا "ۆاگنەر" جەكە كومپانياسىنىڭ اتريبۋتتارىنا، "رەسەي ارمياسى", "سىپايى ادامدار" ("ۆەجليۆىە ليۋدي") دەگەن جازۋلارعا، سونىمەن بىرگە رەسەيدىڭ ۋكرايناعا قارسى سوعىسىن قولداۋدا پايدالانىلعان Z جانە V بەلگىلەرىنە تىيىم سالىنادى.
باس پروكۋراتۋرا وكىلى قۋات باپينوۆ "2022 جىلى ورىس-ۋكراين جانجالى باستالعاننان بەرى قازاقستاندا كيىمدەرگە، ويىنشىقتارعا جانە كولىكتەرگە Z, V بەلگىلەرىن جاپسىرۋ، "رەسەي ارمياسى", "سىپايى ادامدار" دەگەن جازۋلار كوبەيدى", - دەدى.
وسىعان دەيىن قازاقستاندا كولىكتەرگە Z بەلگىسىن جاپسىرىپ كەلگەن رەسەيلىكتەرگە جازۋدى ماجبۇرمەن وشىرتكەن وقيعالار تىركەلگەن. ەلدە بۇل بەلگىلەرگە رەسمي تىيىم سالىنعان ەمەس، بىراق قوعام تاراپىنان نارازىلىق بار.
Abai.kz
