Ауғанстандағы құтқарушылар елге оралды
Жер сілкінісінен зардап шеккен ауған халқына көмектесу үшін аттанған Қазақстан Төтенше жағдайлар министрлігінің күштері мен құралдары елге оралды.
Гуманитарлық миссияны орындау үшін жалпы 45 адам, оның ішінде ТЖМ Республикалық жедел-құтқару жасағының құтқарушылары, кинологиялық есептоптар, Апаттар медицинасы орталығының дәрігерлері мен фельдшерлері жіберілген болатын.
ТЖМ мәліметіне сүйенсек, Азаматтық қорғаныс және әскери бөлімдері комитеті төрағасының міндетін атқарушы, генерал-майор Ұларбек Әбікеевтің басшылығымен қазақстандық құтқарушылар жасағы қойылған міндеттерді абыроймен орындады.
Фото: ашық дереккөзден
Abai.kz
