Солтүстік Қазақстан облысының диқандары көктемгі егіс науқанын бастап кетті. Биыл 3,9 миллион гектар алқапқа дән себіледі деп жоспарланып отыр. Бұл өткен жылғыдан 200 мың гектарға көп. Сонымен қатар, 176 мың гектар жерге майлы дақылдар, 30 мың гектарға картоп пен әртүрлі көкөністер егіледі. Тағы 303 мың гектарға жүгері мен біржылдық және көпжылдық шөптердің тұқымдары сіңіріледі.
Былтыр қуаңшылыққа қарамастан қызылжарлық диқандар 5 миллион тонна астықты қамбаға құйып алған болатын. Биыл сол межеден жоғарыламаса, төмендемеуді мақсат етіп отыр. Бірақ, кешелі-бүгінгі жауған жаңбырдың кесірінен дала жұмыстарын сәл тоқтата тұруға тура келді. Ал ауа-райын болжаушылар жақын күндері күн райы күрт сууы мүмкін дегенді де айтып қалды.

Ербақыт АМАНТАЙҰЛЫ,
Солтүстік Қазақстан облысы

Солтүстік Қазақстан облысының диқандары көктемгі егіс науқанын бастап кетті. Биыл 3,9 миллион гектар алқапқа дән себіледі деп жоспарланып отыр. Бұл өткен жылғыдан 200 мың гектарға көп. Сонымен қатар, 176 мың гектар жерге майлы дақылдар, 30 мың гектарға картоп пен әртүрлі көкөністер егіледі. Тағы 303 мың гектарға жүгері мен біржылдық және көпжылдық шөптердің тұқымдары сіңіріледі.
Былтыр қуаңшылыққа қарамастан қызылжарлық диқандар 5 миллион тонна астықты қамбаға құйып алған болатын. Биыл сол межеден жоғарыламаса, төмендемеуді мақсат етіп отыр. Бірақ, кешелі-бүгінгі жауған жаңбырдың кесірінен дала жұмыстарын сәл тоқтата тұруға тура келді. Ал ауа-райын болжаушылар жақын күндері күн райы күрт сууы мүмкін дегенді де айтып қалды.

Ербақыт АМАНТАЙҰЛЫ,
Солтүстік Қазақстан облысы