Бүгінде ЮНЕСКО-ның бүкіләлемдік мұралар тізімі түзілуде. Оған Орталық Азиядан тоғыз мәдени және бір табиғи нысан енсе, енді соған Қазақстаннан елдегі тоғыз ескерткішті «Жібек жолы» деп аталатын әлемдік жәдігерлер тізіміне енгізуге ұсыныс жасалмақ. Осы мақсатта кеше Алматыда ЮНЕСКО-ның дүниежүзілік жәдігерлер орталығының 5-ші субаймақтық семинары басталды.
Қытай, Қырғызстан, Қазақстан, Тәжікстан, Түрікменстан мен Өзбекстаннан келген мамандар мен ЮНЕСКО-ның ИКИМОС өкілдері, Жапония, Монғолия, Ауғанстан, Үндістан бақылаушылары қатысып жатқан бұл жиынға ЮНЕСКО мен ИСЕСКО істері жөніндегі Қазақстан Республикасы Ұлттық комиссиясының төрағасы Иманғали Тасмағамбетов өз құттықтауын жолдады. Онда ол 850-ден астам мәдени және табиғи нысан қамтылған бүкіләлемдік мұралар тізімінде Орталық Азияның үлесі аз екендігін, ал Қазақстаннан тек бірді-екілі мәдени ескерткіштердің енгізілгенін тілге тиек етеді. Ал енді Алматыда өткізіліп отырған семинарда аталған тізімге Қазақстаннан тағы да Есік және Бұрындай қорымдарын, Талғар, Отырар, Сауран қалашықтары, Ақыртас ескерткіші мен Жатасар шатқалындағы ескерткіштерді енгізу ұсынылмақ. Бұл туралы Ә.Марғұлан атындағы Археология және этнография институтының директоры Карл Байпақов мәлім етті.
Семинардың соңғы нүктесі 23 мамырда қойылмақ.

Мәриям ЖАГОРҚЫЗЫ
«Алаш айнасы» газеті 20 мамыр 2009 жыл

Бүгінде ЮНЕСКО-ның бүкіләлемдік мұралар тізімі түзілуде. Оған Орталық Азиядан тоғыз мәдени және бір табиғи нысан енсе, енді соған Қазақстаннан елдегі тоғыз ескерткішті «Жібек жолы» деп аталатын әлемдік жәдігерлер тізіміне енгізуге ұсыныс жасалмақ. Осы мақсатта кеше Алматыда ЮНЕСКО-ның дүниежүзілік жәдігерлер орталығының 5-ші субаймақтық семинары басталды.
Қытай, Қырғызстан, Қазақстан, Тәжікстан, Түрікменстан мен Өзбекстаннан келген мамандар мен ЮНЕСКО-ның ИКИМОС өкілдері, Жапония, Монғолия, Ауғанстан, Үндістан бақылаушылары қатысып жатқан бұл жиынға ЮНЕСКО мен ИСЕСКО істері жөніндегі Қазақстан Республикасы Ұлттық комиссиясының төрағасы Иманғали Тасмағамбетов өз құттықтауын жолдады. Онда ол 850-ден астам мәдени және табиғи нысан қамтылған бүкіләлемдік мұралар тізімінде Орталық Азияның үлесі аз екендігін, ал Қазақстаннан тек бірді-екілі мәдени ескерткіштердің енгізілгенін тілге тиек етеді. Ал енді Алматыда өткізіліп отырған семинарда аталған тізімге Қазақстаннан тағы да Есік және Бұрындай қорымдарын, Талғар, Отырар, Сауран қалашықтары, Ақыртас ескерткіші мен Жатасар шатқалындағы ескерткіштерді енгізу ұсынылмақ. Бұл туралы Ә.Марғұлан атындағы Археология және этнография институтының директоры Карл Байпақов мәлім етті.
Семинардың соңғы нүктесі 23 мамырда қойылмақ.

Мәриям ЖАГОРҚЫЗЫ
«Алаш айнасы» газеті 20 мамыр 2009 жыл