(немесе «жасалмаған» баяндама)

…Мен жұрт назарын батырдың ақтық сәтіндегі қасіретті уақиғаның аужайына орай көп айтыла бермейтін, кезінде патшалық Ресей тарапынан алынған рапорт, доностардың өзінде ашық көрсетілмей бүркемеленген, алайда ақиқатын ел аузында сақталған фольклорлық шығарма уақиғасы баяндайтын заттық айғаққа аударғым келеді. Ол – өлтірілген батырға тиесілі дулыға мен ақ сауыттың жайы.

Мұны алғаш тілге тиек еткен И. В. Аничков 1894 жылы Қазанда жарық көрген белгілі очеркінде былай дейді: «Табындар қарт батырдың ауылын шауып, мал-мүлкін тонап, дүниесін талапайлап, кері қайтады. Қазақтар Жанқожаның қанын мойнына жүктеген, оны өлтірген ...бүгіндері көзі тірі Сейіл дейді. Енді бір әңгімеге қарағанда, оның қолында Жанқожа әулиенің киген сауыты сақталған көрінеді».

Берік Жүсіпов,

фольклортанушы

P.S. Бұйырса, жақын күндері үлкен мақала етіп жазамын, жариялайтын кәзит болса…

Abai.kz