Қазақстан Руспубликасы Мәдениет және ақпарат министрлігі Дін істері комитетінің қолдауымен а.ж. 31-наурыз - 04 сәуір аралығында Республикалық ақпараттық-түсіндіру тобы мүшелері Түркістан облысына  іс-сапарға барды.

Аталған іс-сапардың мақсаты Халықтың дінтанулық сауаттылығын арттыру және діни экстремизмнің алдын алу.

Қалада жалпы саны 20 іс-шара ұйымдастырылып, 400-ден астам адам қамтылды.

Аталған іс-шараға: Халықов Медет Мұзапбарұлы – Түркістан облысының дін істері басқармасының «Дін мәселелерін зерттеу орталығы» КММ директоры. Сабырұлы Әбілхайыр - Жамбыл облысы «Дін проблемаларын зерттеу орталығы» бөлім басшысы, теолог, Оспанов Дәлелхан Қоңырбайұлы – «Ақ Ниет» Қоғамдық қорының Шымкент қаласы бойынша жетекшісі, Тілеухан Бақдаулет Мамырханұлы - Жамбыл облысы «Дін проблемаларын зерттеу орталығы» басшы орынбасары, психолог, дін мәселелері бойынша Республикалық ақпараттық түсіндіру тобының мүшелері қатысты.

Түсіндіру тобының мүшелері Түркістан облысы аумағында мектеп, колледж және ауылдық округтер базасында болды. Олар халық арасында Қазақстанда өмір сүретін барлық конфессиялар мен этностардың бейбіт қатар өмір сүруі мен әрекеттесуіне бағытталған дін саласындағы мемлекеттік саясаттың мәні, Қазақстан халқының мәдениеті мен рухани мұрасы, деструктивті жалған діни және радикалды идеялардың қауіптілігі туралы өңір тұрғындарын ақпараттандыру және т. б. тақырыптарда түсіндіру жұмыстарын жүргізді.

Іс-сапар барысындағы ақпараттық-түсіндіру жұмыстары аясында жұмыссыздар, жазасын өтеушілер, мектеп оқушылары, колледж студенттері мен мекеме қызметкерлері және ауыл тұрғындары т.б. топтар қамтылды.

Abai.kz