Сауда саласына енгізілген цифрлық жобалар кәсіпкерлерді қағазбастылықтан босатып, жұмыс үдерісін айтарлықтай жеңілдетті.

Енді зертханалар мен ірі кәсіп иелері барлық қажетті құжаттарды Техникалық реттеудің ақпараттық жүйесі арқылы онлайн рәсімдей алады.

Жүйе 5 негізгі бөлімнен тұрады:

1. Аккредиттеу бөлімі
   → Соңғы бір жылда 8 мыңнан астам қызмет көрсетілген.
2. Сәйкестікті бағалау бөлімі
   → 150-ге жуық құжат шығарылып, 620 сертификаттау модулі іске қосылған.
3. Метрология бөлімі
   → Өлшеу құралдарын тексеру туралы есеп толықтай цифрланған.
4. Мемлекеттік бақылау бөлімі
   → Қадағалаушы органдар ұсыныстар мен хабарландыруларды жүктейді.
5. Стандарттау бөлімі
   → 9 412 ұлттық стандарт жаңа форматта цифрланды. Әрбір электронды құжат QR-кодпен расталады, бұл оның түпнұсқалығын тексеруді жеңілдетеді.

Бұл жаңашылдық кәсіпкерлер үшін құжат айналымын жеделдетіп қана қоймай, ашықтық пен сенімділікті қамтамасыз етеді.

Abai.kz