Екінші деңгейдегі банктер, резидент емес банк филиалдары және Қазақстанның даму банкінің есепті ұсыну қағидасы жаңартылды. Құжат жобасы «Ашық НҚА» порталында жарияланды.

Ұлттық банк әзірлеген қаулы жобасында еліміздегі екінші деңгейдегі банктердің, Қазақстанда резидент емес банк филиалдарының, Қазақстан даму банкінің есеп ұсынудың бірыңғай қағидасымен қоса, әкімшілік деректі жинау ережесін бекіту ұсынылып отыр.

Осылайша, есепті ұсынуға қатысты біртектес және өзара байланысты мәселені реттейтін Ұлттық банктің 2020 жылғы 21 сәуірдегі №54 қаулысы, 2021 жылғы 2 наурыздағы №22 қаулысы және 2018 жылғы 29 маусымдағы №139 қаулысы біріктірілді. Жаңа қағида бекітілгеннен кейін аталған қаулылардың күші жойылады.

Айта кететін жайт, екінші деңгейдегі банктер, Қазақстанда резидент емес банк филиалдары және Қазақстанның даму банкінің есептілік нысандары және оларды ұсыну тәртібі өзгермейді.

Құжат жобасы 2025 жылғы 6 тамызға дейін қоғамдық талқылауға ұсынып отыр.

Abai.kz