Еліміздегі АЭС-тің атауы қашан белгілі болады?
Қазақстанда салынатын алғашқы атом электр стансасының атауы қараша айының соңына қарай жариялануы мүмкін.
Бұл туралы Қазақстанның Атом энергиясы жөніндегі агенттігі төрағасының орынбасары Ғұмар Серғазин мәлімдеді.
– Қазір конкурстық комиссия 27 мыңға жуық ұсыныстың ішінен ең лайық нұсқаларды сұрыптап жатыр. Комиссия отырысы өткізіліп, қорытынды шешім қабылданады. Жауап осы айдың соңына дейін белгілі болады деп ойлаймын, – деді ол.
Abai.kz