Алматы халықаралық әуежайы әлеуметтік желілерде тараған әуе кеңістігі жабылды деген ақпаратқа қатысты түсініктеме берді.

Кейбір жазбаларда қалада әскери іс-қимылдарға байланысты ұшулар тоқтатылғаны айтылған.

Алайда Алматы халықаралық әуежайы бұл мәліметті теріске шығарып, әуежайдың қалыпты режимде жұмыс істеп тұрғанын хабарлады.

Әуежайдың ресми мәлімдемесінде әуе кеңістігінің жабылмағаны, сондай-ақ әскери жағдай немесе әскери әрекеттер туралы ақпараттың шындыққа жанаспайтыны атап өтілді. Қосымша мәселелер бойынша уәкілетті органдарға жүгіну ұсынылды.

Кейінірек бұл ақпаратты Қазақстан Республикасының Қорғаныс министрлігі де жоққа шығарды. Ведомствоның хабарлауынша, министрлік тарапынан әуе кеңістігіне қатысты ешқандай шектеу енгізілмеген, ал әлеуметтік желілерде тараған мәліметтердің нақты негізі жоқ.

Дереккөзі: qaz365.kz

Abai.kz