الماتى حالىقارالىق اۋەجايى الەۋمەتتىك جەلىلەردە تاراعان اۋە كەڭىستىگى جابىلدى دەگەن اقپاراتقا قاتىستى تۇسىنىكتەمە بەردى.

كەيبىر جازبالاردا قالادا اسكەري ءىس-قيمىلدارعا بايلانىستى ۇشۋلار توقتاتىلعانى ايتىلعان.

الايدا الماتى حالىقارالىق اۋەجايى بۇل مالىمەتتى تەرىسكە شىعارىپ، اۋەجايدىڭ قالىپتى رەجيمدە جۇمىس ىستەپ تۇرعانىن حابارلادى.

اۋەجايدىڭ رەسمي مالىمدەمەسىندە اۋە كەڭىستىگىنىڭ جابىلماعانى، سونداي-اق اسكەري جاعداي نەمەسە اسكەري ارەكەتتەر تۋرالى اقپاراتتىڭ شىندىققا جاناسپايتىنى اتاپ ءوتىلدى. قوسىمشا ماسەلەلەر بويىنشا ۋاكىلەتتى ورگاندارعا جۇگىنۋ ۇسىنىلدى.

كەيىنىرەك بۇل اقپاراتتى قازاقستان رەسپۋبليكاسىنىڭ قورعانىس مينيسترلىگى دە جوققا شىعاردى. ۆەدومستۆونىڭ حابارلاۋىنشا، مينيسترلىك تاراپىنان اۋە كەڭىستىگىنە قاتىستى ەشقانداي شەكتەۋ ەنگىزىلمەگەن، ال الەۋمەتتىك جەلىلەردە تاراعان مالىمەتتەردىڭ ناقتى نەگىزى جوق.

دەرەككوزى: qaz365.kz

Abai.kz