Қарағандыға іргелес жатқан Көкпекті ауылындағы су қоймасы жарылып, сол маңдағы тұрғындардың апаттан зардап шеккендігі, 5 азаматтың көз жұмғандығы жұртқа мәлім. Үкімет ондағы бір де бір азаматтың қамқорлықсыз қалмайтындығын айтып жар салуда. Ал Төтенше жағдай министрі Божко мырза әдеттегідей «көріпкелдігін» айтып, ауа райының күрт жылынатындығын бір апта бұрын білгендігін еш жасырған жоқ.

Бір қызығы, барлық Үкімет мүшелері жиылып, жергілікті мекемелер күш біріктіріп қанша іздеседе «апатты су қоймасының» иесі кім екендігін анықтай алмауда. Соған қарағанда «белгісіз қожайын» жан-шайтан болса керек. Әйтпесе білдей бір мемлекеттің құзырлы орын қызметкерлері шағын ауылдың «шағын» қожайынын таба алмауы мүмкін емес қой...  

«Абай-ақпарат»