قاراعاندىعا ىرگەلەس جاتقان كوكپەكتى اۋىلىنداعى سۋ قويماسى جارىلىپ، سول ماڭداعى تۇرعىنداردىڭ اپاتتان زارداپ شەككەندىگى، 5 ازاماتتىڭ كوز جۇمعاندىعى جۇرتقا ءمالىم. ۇكىمەت ونداعى ءبىر دە ءبىر ازاماتتىڭ قامقورلىقسىز قالمايتىندىعىن ايتىپ جار سالۋدا. ال توتەنشە جاعداي ءمينيسترى بوجكو مىرزا ادەتتەگىدەي «كورىپكەلدىگىن» ايتىپ، اۋا رايىنىڭ كۇرت جىلىناتىندىعىن ءبىر اپتا بۇرىن بىلگەندىگىن ەش جاسىرعان جوق.

ءبىر قىزىعى، بارلىق ۇكىمەت مۇشەلەرى جيىلىپ، جەرگىلىكتى مەكەمەلەر كۇش بىرىكتىرىپ قانشا ىزدەسەدە «اپاتتى سۋ قويماسىنىڭ» يەسى كىم ەكەندىگىن انىقتاي الماۋدا. سوعان قاراعاندا «بەلگىسىز قوجايىن» جان-شايتان بولسا كەرەك. ايتپەسە بىلدەي ءبىر مەملەكەتتىڭ قۇزىرلى ورىن قىزمەتكەرلەرى شاعىن اۋىلدىڭ «شاعىن» قوجايىنىن تابا الماۋى مۇمكىن ەمەس قوي...  

«اباي-اقپارات»