Қазақстанның білім беру сапасын сараптайтын  тәуелсіз агенттік әл-Фараби атындағы ҚазМҰУ-ді  еліміздегі ең үздік оқу орыны деп танып отыр. Аталған агенттіктің қортындысы бойынша, ҚазМҰУ көп салалы білім беретін ЖОО-лар арасында алғашқы орынды иеленсе, одан кейінгі сатыға Еуразия ұлттық университеті мен Оңтүстік Қазақстан облысындағы М. Әуезов атындағы мемлекеттік университет көтеріліпті. Техникалық ЖОО-лар арасында Қазақстан-Британ техникалық университеті қара үзіп тұр. Қазақстан-Британнан кейінгі орынды Сәтбаев атындағы Қазақ ұлттық техникалық университеті мен Ұлттық аграрлық университет және Қарағанды мемлекеттік техникалық университеті өзара бөлісіпті.   Педагогикалық ЖОО-лардың жоғары сатысы Абай атындағы Қазақ ұлттық педагогикалық  университетіне бұйырыпты. Абайдан кейінгі орындар Қазақ ұлттық қыздар педагогикалық университеті мен Павлодар мемлекеттік педагогикалық институтына тиіген көрінеді. Медициналық ЖОО-лар бойынша:  Асфендияров атындағы Қазақ ұлттық университеті мен Қарағанды мемлекеттік медициналық университеті және Семейдегі мемлекеттік медициналық университет үздік аталыпты.

Абай-ақпарат