قازاقستاننىڭ ءبىلىم بەرۋ ساپاسىن ساراپتايتىن  تاۋەلسىز اگەنتتىك ءال-فارابي اتىنداعى قازمۇۋ-ءدى  ەلىمىزدەگى ەڭ ۇزدىك وقۋ ورىنى دەپ تانىپ وتىر. اتالعان اگەنتتىكتىڭ قورتىندىسى بويىنشا، قازمۇۋ كوپ سالالى ءبىلىم بەرەتىن جوو-لار اراسىندا العاشقى ورىندى يەلەنسە، ودان كەيىنگى ساتىعا ەۋرازيا ۇلتتىق ۋنيۆەرسيتەتى مەن وڭتۇستىك قازاقستان وبلىسىنداعى م. اۋەزوۆ اتىنداعى مەملەكەتتىك ۋنيۆەرسيتەت كوتەرىلىپتى. تەحنيكالىق جوو-لار اراسىندا قازاقستان-بريتان تەحنيكالىق ۋنيۆەرسيتەتى قارا ءۇزىپ تۇر. قازاقستان-بريتاننان كەيىنگى ورىندى ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتى مەن ۇلتتىق اگرارلىق ۋنيۆەرسيتەت جانە قاراعاندى مەملەكەتتىك تەحنيكالىق ۋنيۆەرسيتەتى ءوزارا ءبولىسىپتى.   پەداگوگيكالىق جوو-لاردىڭ جوعارى ساتىسى اباي اتىنداعى قازاق ۇلتتىق پەداگوگيكالىق  ۋنيۆەرسيتەتىنە بۇيىرىپتى. ابايدان كەيىنگى ورىندار قازاق ۇلتتىق قىزدار پەداگوگيكالىق ۋنيۆەرسيتەتى مەن پاۆلودار مەملەكەتتىك پەداگوگيكالىق ينستيتۋتىنا تيىگەن كورىنەدى. مەديتسينالىق جوو-لار بويىنشا:  اسفەندياروۆ اتىنداعى قازاق ۇلتتىق ۋنيۆەرسيتەتى مەن قاراعاندى مەملەكەتتىك مەديتسينالىق ۋنيۆەرسيتەتى جانە سەمەيدەگى مەملەكەتتىك مەديتسينالىق ۋنيۆەرسيتەت ۇزدىك اتالىپتى.

اباي-اقپارات