АҚШ президенті тағына ең басты үміткерлердің бірі Хиллари Клинтон қызы сәбилі болғаннан кейін саясаттан кетуі мүмкін, деп хабарлайды ҚазАқпарат батыс ақпарат көздеріне сілтеме жасап. Экс-президент Билл Клинтонның жалғыз қызы Челси өзінің жүкті екенін сәуір айында хабарлаған болатын. Болашақ ата мен әже жыл аяғында жиен немересі өмірге келеді деп күтетіндіктерін айтқан. «Күзде мен әже атанам. Бұл менің өмірімді түбегейлі өзгертеді. Ол кезде өзімді қалай сезінетінімді білмеймін. Мен әже болудың қандай екенін сезінгім келеді. Менің әже болғым келеді», - дейді 66 жасар Клинтон.

Айта кетейік, бұрынғы мемлекеттік хатшы өзінің президент сайлауына қатысатын-қатыспайтыны туралы нақты жауабын жыл соңында беруге тиіс. АҚШ-та келесі президенттік сайлау 2016 жылы болады.

Абай-ақпарат