АҚШ ЛАҢКЕСТІКПЕН КҮРЕСКЕ 5 МЛРД. ДОЛЛАР БӨЛЕДІ
АҚШ Мемлекеттік хатшысы Джон Керри ел өкіметі лаңкестікпен күрес жөніндегі қорға 5 млрд. доллар шамасында қаржы қосатынын мәлімдеді. Бұл туралы BBC-ге сілтеме жасап ҚазАқпарат хабарлады.
Керри: «бұл қаражат мемлекетке экстремистермен күреске көмектесуі тиіс», - деп мәлім етті. Оның айтуынша, тиісті қор АҚШ-тың бүкіл әлем бойынша лаңкестікке қарсы операцияларын қаржыландыруына мүмкіндік береді.
АҚШ Президенті Барак Обама қор құру жөніндегі шешімін Нью-Йорктегі Вест-Пойнт әскери академиясында сөз сөйлеген кезінде жариялаған.
Абай-ақпарат
