Мәжіліс депутаттарын ораторлыққа үйрету үшін «Нұр Отан» партиясы ресейлік маман - Радислав Гандапасты арнайы алдырыпты. Бұл туралы ҚазТАГ хабарлайды.

Тренинг басталарда Мәжілістің вице-спикері Дариға Назарбаева: «Ол бізге Мәскеуден келді. Оны ең мықты тренер дейді. Бұл іске жауапкершілікпен қараңыздар. Біздің партия бұл тренингтің шығын көтеріп отыр» депті.

Орыс маманынан шешендік үйрену – мәжілістің мемлекеттік тілді біржола жерлегені және қазақ тілінің саясат, бизнес тілі емес екендігін іспен көрсетуі. Бұл – қазақ тілі дүниедегі ең сорлы, қауқарсыз тіл екендігін ресми түрде іс-әрекетпен көрсету.

Орыстан маман шақыру, орыссыз сайлаушыларының алдына жақсы сөйлей алмау, орыстан үйрену, орысқа қарап ойын, бойын түзеу – бұл бүгінгі биліктің болмысы, бет-бейнесі...

Айтарға сөз жоқ. Күлесің, аяйсың...

Қайран желге ұшқан халықтың ақшасы...

Abai.kz