Ақмола, Қостанай, СҚО облыстарының әкімдері Сергей Кулагин, Нұралы Сәдуақасов және Ерік Сұлтановтар 29 тамыз күні Ақмола облысы Зеренді ауылындағы саунаға бүкіл театр труппасын шақырып, тыныққан деп хабарлайды tribunakz.com сайты. (қараңыз:  http://tribunakz.com/today/101-akimov-treh-oblastey-v-saune-razvlekala-celaya-teatralnaya-truppa.html). Бұл туралы Матрице.kz сайтына Ш.Құсайынов атындағы драмалық театрда қызмет жасайтын әртістің ағасы Дәулет Қуанышбаев мәлімдеген.

«Менің қарындасым Ш.Құсайынов театрында жұмыс жасайды. Бірнеше күннен бері ол көңілсіз жүрді. Тек бүгін ғана ұжымымен Зерен (Зерен ауылындағы) демалыс орнына іс-сапарда болғанын айтты. Олар саунада терлеп-тепшіп халатпен отырған Ақмола, Қостанай және СҚО-ның әкімдерінің алдында өнер көрсеткен», – дейді Дәулет Қуанышбаев.

Оның айтуынша арнайы маскарад киімімен өткен бұл сауық кеш бір сағаттай уақытқа созылған. Бірақ ешкім де осы «түсініксіз» іс-сапарға ақы төлемепті.  

Abai.kz