Жұма, 4 Сәуір 2025
Жаңалықтар 4298 0 пікір 3 Тамыз, 2015 сағат 09:13

ҚЫТАЙҒА ҚЫСҚЫ ОЛИМПИАДАНЫ ӨТКІЗУГЕ ПУТИН КӨМЕКТЕСПЕК

Ресей президенті Владимир Путин Қытай төрағасы Си Цзиньпинді Бейжіңнің 2022 жылғы қысқы Олимпиялық ойындардың астанасы болып сайлануымен құттықтап, «Қытайға алдағы Олимпиаданы дайындауға жан-жақты көмек көрсетуге әзір тұрғандарын» атап өтті. Бұл туралы РИА «Новости» хабарлады.

 «Ресей мемлекетінің басшысы құттықтау жеделхатында 2008 жылғы жазғы Олимпиаданың өте жоғары деңгейін атап өте келіп, 2022 жылғы қысқы Ойындардың одан төмен табыспен өтпейтініне, оның күллі әлемдегі спортшылар мен спорт әуесқойлары үшін ұмытылмас мерекеге айналатынына, сондай-ақ ҚХР-дың бұдан әрі дамуына ықпал ететініне сенім білдірді», – делінген Кремль баспасөз қызметінің хабарламасында.

Естеріңізге салсақ, Бейжіңмен қатар ақ олимпиаданы өткізуге Алматы да бақ таласқан еді. 31 шілдеде Алматыны Олимпиада Комитетіне таныстыруға Премьер Кәрім Мәсімов, Мәдениет және спорт министрі Мұхаммедиұлы, Алматы әкімі Есімов, Сыртқы істер министрі Ыдырысов бастаған делегация Куала Лампурға барып олжасыз оралды.

Абай-ақпарат

0 пікір

Үздік материалдар

46 - сөз

Қайраулы қара семсер

Есболат Айдабосын 1448
Анық-қанығы

Еуропаға Ресей аумағынсыз шығу жолы

Асхат Қасенғали 4170
46 - сөз

Бізге беймәлім Барақ хан

Жамбыл Артықбаев 3044