muslim.kz сайтының жазуынша, Сауд Арабиясының королі Салман ибн Абдул-Азиз әл-Сауд Шешен республикасының басшысы Рамзан Қадыровтың өтінішін аяқсыз қалдырмай, 20 адамнан тұратын топқа қасиетті Қағбаның ішіне кіруге рұқсат берді.

Қағба ішіне кіру бақыты ие болғандардың ішінде республика басшысының әкесі мен анасы,  шешен халқының муфтиі Салах Межиев, қарындастары Зарган және Зулай, жұбайы Медни мен қызы Хадижат болды.Рамзан Қадыровтың баршасынан атынан Саудия королі мен ханзадаға алғыстарын білдіріп: «Мұсылман үшін қасиетті Қағбаны көруден артық сый болмайтынын» жеткізді.

Еске сала кететін болсақ, Қағбаның ішіне кіру бақыты кез-келген адамға бұйырмайтын нәсіп. Ондай бақытқа ие болғандар арасында ҚР президенті Назарбаев та бар.

Абай-ақпарат