Осыдан біраз жыл бұрын «прогерия» - ерте қартаю дертіне шалдыққан Атырау облысының тұрғыны Нұржан ӨРКЕШБАЕВ шаңырақ көтерейін деп жатыр – алдағы тамыздың жетісі күні осы облыстың Мұқыр ауылында Нұржан мен оның болашақ жары Әсемгүлдің  некесі қиылады. Бұл туралы ақпаратты Фейсбуктегі жеке парақшасында журналист Жеңіс Құспанов жариялады.

Есімізге түсіре кетейік, 4 жасынан бастап ерте қартаю дертіне шалдыққан НҰРЖАН қазір жиырма төртте.

Нақты мәліметтерге қарағанда, мұндай дертке шалдыққандар саны бүкіл әлем бойынша жүзге жетер-жетпес қана болса, соның біреуі біздің елімізде екен, ол – Нұржан Өркешбаев. Көптеген маман-дәрігерлердің түрлі де түрлі диагноздары мен болжам-жорамалдарына мүлде мойымай, өзінің орасан жігерлілігінің арқасында жарық дүниеде жарқын өмір сүріп келе жатқан Нұржанға, оның сүйіктісі Әсемгүлге бақыт тілейміз!

Марат МАДАЛИМОВ.