ҚАЗАҚСТАНДА ПРЕЗИДЕНТ КҮНІ АТАП ӨТІЛДІ
1 желтоқсан тұңғыш президент күнін атап өту Астанада мемлекет басшысының байрағын көтерумен басталды. Ту көтеру рәсімін мемлекеттік күзет қызметі «Айбын» президент полкінің сарбаздары орындады.
Осы күні мемлекет басшысы Нұрсұлтан Назарбаев әскери-тарихи мұражайда болып, Қазақстан халқының ежелгі заманнан бүгінге дейінгі әскери дәстүрі мен мәдениетінің даму тарихын таныстыратын сирек әрі бірегей экспонаттарды көрді.
Сонымен бірге осы күні Қазақстан президентінің қатысуымен бас жаңажылдық шыршаның шамдарын жағу салтанаты өтеді деп күтіледі.
Елде бұл мереке 2012 жылдан бері тойлана бастаған. 1991 жылы желтоқсанның 1-і күні алғашқы жалпыхалықтық сайлауда жалғыз кандидат Нұрсұлтан Назарбаев Қазақ ССР президенті қызметіне қайта сайланған.
Абай-ақпарат
