ИМ РЕСЕЙ МЕН АҚШ-қа "ЖИҺАД" ЖАРИЯЛАДЫ
«Ислам мемлекеті» (ИМ) экстремистік тобының көтерілісшілері мұсылмандарды ресейлік және америкалықтарға қарсы «жиһадқа» үндеді, - деп хабарлайды Орталық Азия жаңалықтар қызметі.
«Жас мұсылмандарды исламға қарсы жорық бастаған Ресей мен Америкаға қарсы жиһад жүргізуге шақырамын»,- деп жариялаған аудиотаспа арқылы сәрсенбі күні ИМ өкілі Әбу Мохаммад әл-Аднани.
Ресей екі аптадан бері Сирия президенті Башар Асад режимін сақтау үшін осы елді бомбамен атқылап жатыр. Нәтижесінде АҚШ-тың да Асад оппоненттеріне көмектесулеріне тура келді.
Абай-ақпарат
