Осы шаңырақты ауданда Доссор деген елді мекен бар. Әкімі Жарылғасын Исмағұлов. Жақсы басшы екенінде күмәнім жоқ, бәлкім қызметкерлер жеткізбей жүрген шығар. Жасыратын несі бар, бір семья үшін журналист ат терлетіп Доссорға бара қоймайды. Сондықтан осы жерде жазайын. (Одан бөлек хат та жолданады). Жергілікті басшылар естіп, халыққа жағдай жасар.

Доссорда Үшінші ауыл деген жер бар. Сол жерде жалғызбасты ана Езімова Манар, мүгедек бала-шағасымен өмір сүреді. Өмір сүргенде қалай, өлмеудің амалы әйтеуір. Алла берген ұлы бар екен. Жасы 18-де. Ол да ес білгелі жұмыс істеп, отбасына қолғанат болып келе жатыр екен. Ал қыздары ауру, үлкен қызы тіпті кішкентайынан бір аяғынан айырылып, протезбен жүреді. Әбден өмір соққысын алған әйелдің ауырмайтын жері жоқ. Бұл күнде төсек тартып қалған. Үй болса мынау. Еркегі жоқ шаңырақ, қайтсін енді.

Осыны білген жергілікті билік қалай таңғы асын ішіп, түнде қалай ұйықтап жүр? Соны түсіне алмадым. Байлыққа толы жерді жаудан алып қалған олардың да атасы, олардың да құқығы бар соның жақсылығын көруге. Қайда атырауың мен деген сері жігіттері? Қане жергілікті Лэнд Круйзер менгіш байбатшалар? Осы сорлы қазаққа көмектесіп, ана бала шағасына жағдай жасамағанда не істеп жүрсіңдер? Әр нәрсенің сұрауы бар, ағайын".

Достарымның арасында кім Атыраудан екенін білмедім, Танитын, білетіндеріңіз болса Батыстың намысты жігіттеріне жеткізу сізге аманат. Алда қыс келе жатыр. Көмектеспесе болмайды. Асарлатып болсын жағдай жасау керек. Ертең ақ, балалары өсіп, жақсылықтарыңызды елге қызметпен қайтарады, - деп жазады Нағашыбек Алданов.

Байланыс телефондары: Езімова Айнагүл 8777-8719581, 8701-3286449