Сирия оппозициясы еліндегі шиеленіске Ресейдің араласуынан кейін әскери-саяси дағдарысты тұрақтандыруға қатысты бейбіт келісімге келуден бас тартты.

Бұл жөнінде 11 қазан күні Сириядағы оппозциялық және революциялық күштердің Ұлттық коалициясы мәлімдеді. Олар Асад билігімен келісімге келу үшін ең алдымен «ресейлік агрессия» тоқтатылсын деген талап қойып отыр.

Сирия оппозициясының өкілдері Ресейдің әуе соққысы тек ғана «Ислам мемлекеті» террористік ұйымына ғана емес, президент Башар Асад жүйесіне қарсыластарға да бағытталғанын айтады.

Ресей президенті Владимир Путин жексенбі күні «Россия-1» телеарнасына берген сұхбатында ресейлік әскердің Сириядағы операциясының мақсаты заңды билікті тұрақтандыру және саяси келісімге жағдай жасау деді.

Абай-ақпарат