Ресей әскери ұшағы үш күннің ішінде екінші рет Түркияның әуе кеңістігін бұзып отыр. Соңғы рет 4 қазан күні бұзды делінген Түркияның сыртқы істер министрлігінің мәлімдемесінде. Осыған байланысты Анкарадағы Ресей елшісі Түркия сыртқы істер министрлігіне қайтадан шақырылды.

Бұл мәселеге қатысты Мәскеу ешқандай түсініктеме бермеді. Мұның алдындағы оқиғаға Ресей тарабы «навигацияның қателігі» деп ғана жауап берген.  

Мұның алдында НАТО Ресейді Түркияның әуе кеңістігін рұқсатсыз басып өтуін айыптаған болатын. НАТО сонымен бірге Мәскеуден Сирия халқы мен оппозициясына қарсы әуе соққы жасауды доғаруын сұраған.   

Абай-ақпарат