Оның айтуынша, биыл Қырғызстандағы барлық ресейлік әскери нысан Қант әуе базасында шоғырланатын біріккен құрылымға бағынатын болады.

Қант әуе базасы –Шу облысындағы Ресей жалға алған әскери аэродром. Шу өзенінің аңғарында, Бішкектің шығысындағы 20 шақырым жерде, Қант қаласынан екі шақырым қашықта орналасқан. Аэродромда ӘӘК мен ӘҚК 2-ші қолбасшылығына қарайтын 999-шы (20022 әскери бөлімі) әуе базасы орналасқан. 

Ресми дерек бойынша, Қырғызстан аумағында Ресей бес әскери базаны жалдап отыр: Қант қаласындағы әуе базасы, Қарақол қаласындағы кемеге қарсы торпедалық қарудың сынақ базасы, Қара-Балта қаласындағы  ӘТФ байланысының «Марево» 338-ші торабы («Прометей» станциясы), сонымен бірге Сейсмикалық қызметтің Брінші автоматты сейсмикалық станциясы мен 17-ші радиосейсмикалық зертханасы бар. Соңғылары Ыстықкөл облысының Ичке Суу және Жалал Абад облысының Майлуу Суу кенттерінде орналасқан.

Абай-ақпарат