Үкімет орындары «жағдайдың қайталанбасына кепілдік жоқ екенін» мәлімдеген. Қарашаның 24-нен бері, Түркиядан келе жатқан 70 қазақстандық жүк автокөлігі Ресеймен шекарадан өтуге рұқсат ала алмай отыр. Қазақ кәсіпкерлері шекарада қалып қалған әр жүк көлігі үшін күн сайын қосымша мың доллар шығын шегіп жатқандарын айтуда.

Бұл жағдай түріктің әуе күштері ресейлік СУ-24 бомбалаушы ұшағын атып түсіргені үшін Ресейдің Түркияға салған санкцияларынан кейін туып отыр. Анкара ұшақтың Түркияның әуе кеңістігіне кіріп кеткенін және ескертулерді елемегенін айтуда, Кремль ұшағының Сирия аумағынан шықпағанына сенімді.