ۇكىمەت ورىندارى «جاعدايدىڭ قايتالانباسىنا كەپىلدىك جوق ەكەنىن» مالىمدەگەن. قاراشانىڭ 24-نەن بەرى، تۇركيادان كەلە جاتقان 70 قازاقستاندىق جۇك اۆتوكولىگى رەسەيمەن شەكارادان وتۋگە رۇقسات الا الماي وتىر. قازاق كاسىپكەرلەرى شەكارادا قالىپ قالعان ءار جۇك كولىگى ءۇشىن كۇن سايىن قوسىمشا مىڭ دوللار شىعىن شەگىپ جاتقاندارىن ايتۋدا.

بۇل جاعداي تۇرىكتىڭ اۋە كۇشتەرى رەسەيلىك سۋ-24 بومبالاۋشى ۇشاعىن اتىپ تۇسىرگەنى ءۇشىن رەسەيدىڭ تۇركياعا سالعان سانكتسيالارىنان كەيىن تۋىپ وتىر. انكارا ۇشاقتىڭ تۇركيانىڭ اۋە كەڭىستىگىنە كىرىپ كەتكەنىن جانە ەسكەرتۋلەردى ەلەمەگەنىن ايتۋدا، كرەمل ۇشاعىنىڭ سيريا اۋماعىنان شىقپاعانىنا سەنىمدى.