Бұл туралы Оралда, брифингте мемлекеттік қызмет істері және сыбайлас жемқорлыққа қарсы іс-қимыл агенттігі департаменті төрағасының орынбасары міндетін атқарушы Мирболат Нұртазин мәлімдеді. Сүйінбаевтың қызметінен кетуіне өзін жағымсыз жағынан көрсеткен Интернеттегі видео себепкер болды.

Мирболат Нұртазиннің айтуынша, қазанның 7-де Атырауда қызмет көлігін жұмыстан тыс уақытта пайдаланып жүрген шенеуніктерді анықтау рейді барысында жол полицейлеріне Нұрлан Сүйінбаев жүргізуші құжатының орнына тәртіптік комиссияның төрағасы қызметтік куәлігін көрсеткен. Бұл сәтті журналистер видеоға түсіріп алып, интернетке салған.

Бұған дейін Батыс Қазақстан облыстық мемлекеттік қызмет істері және сыбайлас жемқорлыққа қарсы іс-қимыл агенттігі департаментінің баспасөз қызметі Нұрлан Сүйінбаев рейд кезінде қызмет көлігі емес, жеке көлігінде отырған деп мәлімдеген еді.

Абай-ақпарат