بۇل تۋرالى ورالدا، بريفينگتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتى توراعاسىنىڭ ورىنباسارى مىندەتىن اتقارۋشى ميربولات نۇرتازين مالىمدەدى. سۇيىنباەۆتىڭ قىزمەتىنەن كەتۋىنە ءوزىن جاعىمسىز جاعىنان كورسەتكەن ينتەرنەتتەگى ۆيدەو سەبەپكەر بولدى.

ميربولات ءنۇرتازيننىڭ ايتۋىنشا، قازاننىڭ 7-دە اتىراۋدا قىزمەت كولىگىن جۇمىستان تىس ۋاقىتتا پايدالانىپ جۇرگەن شەنەۋنىكتەردى انىقتاۋ رەيدى بارىسىندا جول پوليتسەيلەرىنە نۇرلان سۇيىنباەۆ جۇرگىزۋشى قۇجاتىنىڭ ورنىنا تارتىپتىك كوميسسيانىڭ توراعاسى قىزمەتتىك كۋالىگىن كورسەتكەن. بۇل ءساتتى جۋرناليستەر ۆيدەوعا ءتۇسىرىپ الىپ، ينتەرنەتكە سالعان.

بۇعان دەيىن باتىس قازاقستان وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ ءباسپاسوز قىزمەتى نۇرلان سۇيىنباەۆ رەيد كەزىندە قىزمەت كولىگى ەمەس، جەكە كولىگىندە وتىرعان دەپ مالىمدەگەن ەدى.

اباي-اقپارات