Бұл туралы журналистерге қырғыз президентінің өзі мәлімдеді. Қырғыз билігі бұл қадамға Өзбекстан екі ел арасындағы шекараның даулы бөлігіне әскери техника мен әскерін апарған соң, күрт нашарлап кеткен қарым-қатынастан кейін баруға мәжбүр екенін жасырмайды.

Өзбекстан жағы екі сауытты көлік және 40 шақты әскерін шекара іргесіне апарған соң, Қырғызстанда тура сондай шамадағы техникасы мен адамын шоғырландырды. 21 наурызда екі жақтың да әскер саны 8 адамға дейін азайды.

Қырғыз СІМ Өзбекстанға екі рет қарсылық нотасын жолдады. Көрші елдің билігі алғашқы наразылыққа техниканы шекараға Наурыз мейрамын тойлауға байланысты апарғанын айтып жауап берді. Алайда мейрамнан кейін де техника шекарада тұр. Екінші нотаға қырғыз тарабы әлі жауап алмаған.

ШЫҰ-на Ресей, Қытай, Қазақстан, Қырғызстан, Тәжікстан және Өзбекстан кіреді. Ауғанстан, Үндістан, Иран, Моңғолия және Пәкістан бақылаушылар мәртебесіне ие.

Абай-ақпарат