Апелляциялық алқа сотына төрайымдық еткен судья Светлана Яковлева қаулы 24 наурызда шығарылып, сол күні күшіне енетінін жариялады.

Еске сала кетейік, ресейшіл көзқарасымен танымал 38 жастағы блогер Ермек Тайшыбеков 11 желтоқсанда Қордай аудандық сотының шешімімен Facebook'те жариялаған жазбалары үшін ұлт араздығын туғызды деп төрт жылға бас бостандығынан айырылған. Ол қазір Тараз қаласының тергеу изоляторында.

Тайшыбековтің өзі көзқарастарынан қылмыстық белгіні байқамайтынын айтып, өзіне тағылған айыптың саяси астары бар деп біледі. Ол апелляциялық соттан өзіне шығарылған сот шешімін өзгертуін сұраған. Ол сонымен бірге Жоғарғы сот төрағасы Қайрат Мамиден өзін босатуын сұрайды. Бұл жөнінде iarex.ru сайтында оның хаты жарияланды. Тайшыбеков Жоғарғы сотқа дейін жетіп, өзінің кінәсіздігін дәлелдеймін дейді.