Бұның алдында Трамптың инаугурациясынан соң Тегеранның ядролық бағдарламасы бойынша келісімі қайтара қаралуы мүмкін екендігі туралы айтылды. АҚШ мемлекеттік департамент өкілі Марк Тонер Иранмен келісімнің Вашингтон үшін ешқандай заңды міндеттемесі жоқ екенін мәлімдеген. Оның пікірінше, Трамп Иранға қарсы санкцияларды жұмсарту туралы президент Барак Обама қабылдаған жарлықтардың күшін жоя алады.

Биыл наурыз айында президенттік сайлау қарсаңындағы науқан кезінде Дональд Трамп Иранды "терроризмді қолдайды және Израильге қатер төндіреді" деп айыптаған. Миллиардер АҚШ президенті болып сайланған кезде Тегеранға қарсы шаралар қабылдауға уәде берген.

2015 жылғы желтоқсанда Сан-Бернардино қаласында 14 адамның өмірін қиған шабуылдан кейін Трамп мұсылмандарды "АҚШ-қа қауіп төндіреді" деп айыптап, олардың елге келуіне тыйым салуға шақырған. Миллиардердің бұл сөзі базпасөз бен әлеуметтік желілерде қатты сынға ұшырады.

Abai.kz