БҰҰ миссиясының мәліметі бойынша, әуе шабуылдарының нәтижесінде Құндуздың Буз-е-Кандахари ауданында 32 бейбіт тұрғын қайтыс болып, 19 адам жарақат алған. Олардың көбі әйелдер мен балалар.

Өткен аптада 95 адам қаза тауып, 111-і жараланған.

«Бейбіт тұрғындардың өлімі жол берілмейтін жағдай. Бұл Ауғанстанға тұрақтылық пен бейбітшілікті қалпына келтіру үшін жасалып жатқан бар күш-жігерді бұзып отыр», —делінген БҰҰ бас хатшысының Ауғанстандағы өкілі, UNAMA басшысы Тадамити Ямамотоның мәлімдемесінде.

5 қараша күні америка әскері бұл оқиғаға байланысты тексеру жүргізуге уәде берді. АҚШ-тың Ауғанстандағы әскерінің қол басшысы, генерал Джон Николсон бейбіт тұрғындардың өліміне қатты өкініп, көңіл айтатынын жеткізді.

Абай ақпарат