Бұл туралы Астанада 3 қарашада ведомствоаралық комиссияның отырысында ауыл шаруашылық министрі Ерлан Нысанбаев жариялады.

Оның айтуынша, ұсынылған өзгерістерде аграрлы жерлерді жалға беру үшін типтік шартты бекіту туралы ұсыныс бар. Ол халық толқуларын болдырмас үшін, ауыл шаруашылық жерлерін тиімді әрі ұқыпты пайдалануды көздейді.

Жалға берілетін жер көлемін шектеу, мемлекеттік шекараға жақын маңдағы жерлерді жалға беруге тыйым салу, жайылым және шабындық жерлерін сол мекеннің тұрғындарына ғана беру туралы ұсыныстар бар.

Биыл жер реформасына қарсы бірнеше наразылық акциясынан соң құрылған жер комиссиясы осындай ұсыныстар жасаған.