Алматы. 7 қырқүйек. ҚазТАГ – Сәрсенбі күні Алматы уақытымен 00:30 минутта футболдан ұлттық құрама 2012 жылғы Еуропа Чемпионатының екінші іріктеу ойынын Аустрия құрамасына қарсы Зальцбургте өткізеді, деп хабарлайды Спорт журналистерінің одағы (СЖО).

СЖО ақпараты бойынша, сейсенбі күні Еуропаның футбол алаңдарында EURO-2012-інің 23 іріктеу матчы өтеді. Оның үшеуі «А»тобында өтеді,онда Аустрия мен Әзербайжан құрамалары шеберлік сынасады. Зальцбургте Дитмар Константинидің тәрбиеленушілері қазақстандық ойыншыларды қабылдайды. Бұл екі команданың ұлттық құрама деңгейіндегі алғашқы кездесуі болады. Матчқа хорватиялық төрешілер бригадасы төрелік етеді (бас рефери - Марио Страхоня), «Wals-Siezenheim» стадионынан тікелей трансляцияны «Хабар» агенттігі уәде етіп отыр.

Еске сала кетейік, өткен жұмада қазақстандықтар өз алаңында Түркия құрамасынан жеңіліп қалған болатын (0:3). Біздің команданың жаттықтырушысы Бернд Шторк алғашқы матчтағы осындай жеңілістен кейін қазақстандық футболшылар дұрыс қорытынды жасайды деп үміттенеді. «Біреулер біз түріктерді жеңеміз деп ойлады ма? Біз ФИФА рейтингінде 28-ші сатыда тұрған құрамамен ойнадық. Енді аустриялықтармен ойынға зейін қою қажет, олармен 90 минут бойы сақ болу керек», деп мәлім еткен маманның сөзін UEFA сайты келтіріп отыр.

«А» тобының басқа екі кездесуінде Германия құрамасы өз алаңында Әзербайжанды қабылдайды, ал түріктер өз алаңында Бельгия құрамасын қабылдайды.